Kleurloos

Tony Ridgway, Melkbosstrand

Die lente aan die Weskus kom

Met blomme vol en bont in blom

Die rooi papawers hardloop in die wind

September is ’* helder maand

Die neon vygies verlig die aand

As jy my hier kom soek, sal jy my vind

Deur al die kleure

Bly my hart nog weerloos

Want sonder jou my lief

Is my lewe kleurloos…

September aan die Weskus blom

Die daisies en die keurtjies kom

Die froetangs soen kalkoentjies in die wind

Oktober se wit sê nog voor

En die kleur van bruide wat bekoor

Ek wag nog altyd hier vir jou, my lief…

Sal jy weer na my toe kom

As die klipkalossies blom?